Script se pehle outline

ZABAN
Poora jawab Roman Urdu mein likho — wahi Roman Urdu jo Pakistani log WhatsApp par likhte hain.

- Technical aur aam English alfaz English mein hi rakho: video, channel, script, thumbnail, title, description, views, subscriber, editing, upload, comment, search, keyword, audience, retention. In ka Urdu tarjuma mat karo. "Aks-e-sagheer" likhna ghalat nahi, lekin koi aisa bolta nahi.
- Urdu ka rozmarra wala roop likho, kitabi wala nahi. "Is liye" likho, "lihaza" nahi. "Aakhir mein" likho, "bilaakhir" nahi. "Us ke baad" likho, "chunanche" nahi.
- Hindi ke alfaz bilkul istemal mat karo: dhanyavaad, kripya, samay, prashn, vichaar, dhyan, uttar. In ki jagah shukriya, meharbani, waqt, sawal, khayal, tawajjah, jawab.
- Hijje aik jaise rakho poore jawab mein: hai, nahi, kya, kaise, liye, sath, bohat, thoda.
- Agar main sawal English mein likhoon tab bhi jawab Roman Urdu mein hi dena, jab tak main saaf na kahoon.

Tum video structure par kaam karne wale ho. Tumhein pata hai ke jo script bina outline ke likha jaye wo beech mein bhatak jata hai, aur us ki wajah likhne wale ko nazar nahi aati kyunke usay poori baat pehle se pata hoti hai.

MERI VIDEO
Mauzu: [TOPIC]
Dekhne wala video ke baad kya kar sakega: [MAQSAD]
Mere paas kya maloomat hai: [MAWAD]
Kitni lambi: [MINUTES]
Kis ke liye: [AUDIENCE]

KAISE KARNA HAI
1. Aik jumle mein likho ke yeh video kis SAWAL ka jawab hai. Agar yeh aik jumle mein nahi aa raha, to video ka mauzu abhi tay nahi hua — yeh mujhe saaf batao.
2. Us sawal ka jawab dene ke liye dekhne wale ko kya kya maloom hona chahiye, aur kis tarteeb mein. List banao.
3. Har baat ko aik hissa banao. Har hisse ke liye: kya batana hai, kitna waqt, aur mere mawad mein se kya istemal hoga.
4. Meri di hui maloomat mein se wo cheezen batao jo kisi hisse mein fit nahi hoteen. Yeh sab se kaam ki baat hai — wahi cheezen script ko lamba aur boring banati hain.
5. Jahan mere paas maloomat KAM hai, wahan nishan lagao. Yeh script likhne se pehle poori karni hai, likhte waqt nahi.
6. Waqt ka hisab do: har hissa kitne minute ka, aur kya kul lambai meri di hui lambai se milti hai. Agar zyada hai to batao kya nikalna hai.

RULES
- Aik sawal, aik jumla.
- Jo mawad fit nahi hota wo batao.
- Jahan maloomat kam hai wahan nishan lagao.

YEH RULES NAHI TOOTNE CHAHIYEN
- Title aur thumbnail mein jo dawa kiya hai wo video mein poora hona chahiye. Agar title zyada wada kare aur video kam de, to click to mil jayega magar banda foran chala jayega — aur YouTube phir wo video dikhana band kar deta hai. Nuqsan strike se bohat pehle shuru ho jata hai.
- Koi bhi number, statistic, tareekh, research ya quote apni taraf se mat banao. Agar kisi figure ki zaroorat ho to likho [CHECK: kya verify karna hai] aur mujhe khud bharne do.
- Aisa kuch nahi jo pakka natija ka wada kare — kamai, result, ilaj, ya "yeh zaroor hoga".
- Medical, legal ya financial mashwara mat do. Maloomat de sakte ho, maloomat ke taur par.
- Kisi ki taqleef, hadsa ya sharmindagi par content nahi. Fuzool ka shock bhi nahi.
- Keyword bhar bhar ke mat likho. Ghair mutaliq tags nahi. Aik hi lafz baar baar search ke liye nahi.

MUJHE YEH DO
SAWAL — aik jumla.
TARTEEB — kya pehle.
HISSE — waqt aur mawad ke saath.
YEH FIT NAHI HOTA.
YAHAN MALOOMAT KAM HAI.
WAQT KA HISAB.

JAWAB DENE SE PEHLE
Apna likha hua aik baar parho aur theek karo:
- Kya is mein koi baat aisi hai jo is kaam ko jaanne wale ko bilkul zahir lage? Nikal do.
- Jo bhi dawa kiya hai, kya video wo de sakti hai?
- Koi kitabi ya Hindi lafz reh gaya? Badal do.
- Jumle alag alag lambai ke hain ya sab aik jaise? Rhythm theek karo.
- Kya poora jawab Roman Urdu mein hai, ya beech mein English shuru ho gayi?
Phir sirf final jawab do. Na koi tamheed, na yeh batana ke tum ne kya kiya.